जापानी महिलाको औसत आयु ८७ बर्ष

टोकियो-जापानमा महिला पुरुष दुबैको आयु बढेको छ ।

यहांको स्वास्थ्य तथा कल्याण मन्त्रालयको तथ्यांक अनुसार महिलाको औसत आयु ८७.३२ बर्ष पुगेको छ । त्यस्तै पुरुषहरुको पनि बढेर ८१.२५ पुगेको छ ।

संसारमा सबैभन्दा धेरै हङ्गकङ्गका महिलाहरु बाच्ने गर्दछन । त्यसपछि जापानी महिलाहरुको आयु लामो रहेको विश्व तथ्यांकले देखाएको छ ।

जापानी पुरुषको आयु भने विश्वमा धेरै आयु भएका मध्ये तेश्रो रहेको छ । विश्वमा सबै भन्दा लामो आयु हङ्गकङ्ग र दोश्रोमा स्विजरलेण्डका पुरुषको रहेको छ ।

जापानी स्वास्थ्य तथा कल्याण मन्त्रालयका अनुसार गत बर्षको तुलनामा महिलाको  औसत आयु ६ वर्ष बढेको हो ।

बिगत ३० वर्ष यता जापानी नागरिकहरुको आयु लगातार वृद्धि हुनुको कारण सरकारले स्वास्थ क्षेत्रमा गरेको आमोल परिवर्तनलाई मानिएको छ ।

जापानी अधिकारीहरुले सरकारले स्वास्थ्य क्षेत्रमा निरन्तर गरेको सुधारका कारण नागरिकहरुको औषत आयु अझ बढ्ने आंकलन गरेका छन् ।