समाजसेवी प्रकाश कुमार श्रेष्ठ रोज सिप विकाश तालिम केन्द्र द्वारा सम्मानि

काठमाडौँ : रोज सिप विकाश तालिम केन्द्रबाट समाजसेवी प्रकाश कुमार श्रेष्ठ सम्मानित भएका छन् l काठमाडौंको रविभवन स्थित रोज सिप बिकाश तालिम केन्द्र तथा रोज ब्युटी पार्लर एन्ड ट्रेनिङल सेन्टरले विभिन्न क्षेत्रमा उल्लेख्य योगदान पुर्याएका प्रकाश कुमार श्रेष्ठ सहित चार व्यक्तिलाई काठमाडौंमा एक भब्य समारोहबीच विशिष्ट योगदान सम्मानबाट सम्मानित गरेको छ । सो तालिम केन्द्रका विधार्थीहरुलाई प्रशिक्षण सम्पन्न गरेको प्रमाणपत्र वितरण समारोहमा चार जना व्यक्तित्वलाई सम्मानित गरिएको हो ।

सामाजिक सेवामा निरन्तर योगदान पुर्याएको भन्दै समाजसेवी, कस्मेटिक व्यबसायिक तथा रश्मिलाज फेसियल हाउसका प्रबन्धक प्रकाश कुमार श्रेष्ठलाई कार्यक्रममा सामाजिक सेवा योगदान सम्मानबाट सम्मानित गरियो । काठमाडौं सञ्चालित रश्मिलाज फेसियल हाउस एण्ड ब्युटी केयरका प्रबन्धक प्रकाश कुमार श्रेष्ठ बिगत लामो समय देखि सामाजिक सेवामा समर्पित हुदै आएका छन् ।

प्रमुख अतिथि प्राविधिक शिक्षा तथा ब्यबसायिक तालिम परिषद (सिटिईभिटी)का उपाध्यक्ष कुल बहादुर बस्नेतले रोज सिप बिकाश तालिम केन्द्र तथा रोज ब्युटी पार्लर एन्ड ट्रेनिङल सेन्टरका तर्फबाट प्रकाश कुमार श्रेष्ठासहित चार व्यक्तिलाई सामाजिक योगदान सम्मान प्रदान गरेका हुन् ।

त्यसै गरि जोय पपैया, शसस्त्र प्रहरी बल महिला परिवारकी सह कोषाध्यक्ष तथा समाजसेवी लक्ष्मी पोखरेल, समाजसेवी तथा शसस्त्र प्रहरी बल महिला परिवारकी केन्द्रिय सदस्य शिलास्मा हमाल मल्ललाई पनि सोही कार्यक्रममा सम्मानित गरिएको थियो । सम्मानित चारै जना समाजसेवी व्यक्तिहरुलाई रोज सिप विकाश तालिम केन्द्र, रोज ब्युटी पार्लर एन्ड ट्रेनिङ सेन्टरकी अध्यक्ष एवम् बरिष्ट ब्युटिसियन र सिटिईभिटीका उपाध्यक्ष कुल बहादुर बस्नेतले सँयुक्त रुपमा सम्मान प्रदान गरेका हुन् ।

कार्यक्रममा रोज सिप विकाश तालिम केन्द्रबाट विभिन्न सिप प्रशिक्षण पुरा गरेका १५० जनालाई प्रमाणपत्र प्रदान गरिएको थियो । रोज सिप विकाश तालिम केन्द्र, रोज ब्युटी पार्लर एन्ड ट्रेनिङ सेन्टरबाट आफ्नो प्रशिक्षण पुरा गरेको विधार्थीहरुलाई शैक्षिक योग्यताका प्रमाणपत्र प्रदान समारोहमा हरेक वर्ष यसरी समाजसेवी तथा सौन्दर्य ब्यबसायीहरुलाई सम्मान गरिँदै आएको यस संस्थाकी अध्यक्ष एवम् बरिष्ट व्युटिसियन सोनी कारञ्जितले बताईन् ।