च्याम्पियन्स लिग र युरोपा लिगको फाइनल खेल अगष्टमा !

काठमाडौँ । च्याम्पियन्स लिग र युरोपाको फाइनल खेलबारे युरोपियन फुटबल महासंघ (युईएफए) का अध्यक्ष एलेक्जेन्डर सेफरिनले निर्णय गरेका छन् । विश्वभर कोरोना भाइरसको फैलिरहेकोले युरोपका अधिकांश खेलहरु स्थगित रहेका छन् । यसको ठुलो असर युरोपा लिग र च्याम्पियन्स लिगमा परेको छ ।

सेफरिनका अनुसार अब च्याम्पियन्स लिगको फाइनल खेल अगष्टमा हुनेछ ।

एक टेलिभिजनसँग अन्तर्वार्ताका क्रममा उनले च्याम्पियन्स लिग र युरोपाको फाइनल अगष्टमा हुने जानकारी गराएका हुन् ।

च्याम्पियन्स लिग र युरोपा लिग दुवैको फाइनल खेल अगष्ट ३ मा गर्न सकिने उनले बताएका छन् ।

अन्तिम १६ का खेलहरु कहिले सुरु हुने भन्नेबारेमा भने टुंगो लागेको छैन ।