कुम्मायक गोल्डकप फुटबल प्रतियोगिता माघ १ गते देखि सुरु

काठमाडौं-पाँचथर जिल्लाको कुम्मायक गाउँपालिकाको आयोजनामा हुँदै आएको कुम्मायक गोल्डकप फुटबल प्रतियोगिताको तेस्रो संस्करण हुने भएको छ। आयोजक कुम्मायक स्पोर्टिङ क्लवले यासोकमा पत्रकार सम्मेलन गरी प्रतियोगिताबारे जानकारी गराएको छ। पत्रकार सम्मेलनमा क्लवका अध्यक्ष रोहन घिमिरेले प्रतियोगिता यहीँ माघ १ गते देखि सुरु भई माघ ५ गतेसम्म हुने बताए। 

`आठ वटै स्थानीयतहको सहभागीता पाँचथरको सान स्थानीय खेलकुदमा कुम्मायक स्पोटिङको अभियान´ भन्ने मुल नारा सहित प्रतियोगिता कुम्मायक गाउँपालिकाको केन्द्र यासोक बजार स्थित पृथ्वी मा.वि.को खेलमैदानमा हुने प्रतियोगितामा पाँचथरको एक नगरपालिका सहित सात वटा स्थानीय तहहरुको सहभागिता हुनेछ।

प्रतियोगिताको उपाधी बिजेताले नगद १,११,१११ रुपैंयाँ र तीन वर्षे रनिङ ट्रफि मेडल र प्रमाण पत्र प्राप्त गर्नेछ। उपबिजेताले ५५,५५५ रुपैंयाँ, ट्रफि मेडल, प्रमाण पत्र प्राप्त गर्ने बताइएको छ। प्रतियोगिताको उकृष्ट खेलाडी र हरेक खेलको म्यान अफ म्याच हुने खेलाडीलाई पनि पुरस्कार प्रदान गरिनेछ। पत्रकार सम्मेलनको दौरानमा आयोजक कुम्मायक स्पोर्टिङ क्लवले सदस्य खेलाडि हेमन्त दर्नाललाई नगद रु ५,०००/- सहित सम्मान गरेको छ।

सहभागी टिमहरु
१. फिदिम नगरपालिका
२. कुम्मायक गाँउपालिका
३. फाल्गुन्द गाँउपालिका
४. तुम्बेवा गाँउपालिका
५. मिक्लाजुङ गाँउपालिका
६. हिल्लीहाङ गाँउपालिका
७. याङवरक गाँउपालिका
८. फालेलुङ गाँउपालिका