पुलिस क्लबलाई राष्ट्रिय महिला भलिबलको उपाधि, मनिसा बनिन् उत्कृष्ट खेलाडी

पोखरा– नवआदर्श सामुदायिक विकास समाजको आयोजनामा सम्पन्न राष्ट्रिय महिला भलिबल प्रतियोगिताको उपाधि विभागीय टोली नेपाल पुलिस क्लबले जितेको छ ।

पोखराको लामाचौरमा आज (सोमबार) सम्पन्न फाइनल खेलमा होङ्गवान्जी न्यू डायमण्ड एकेडेमीलाई (२५–१६, २५­­–१४ र २५–२०) को सोझो सेटमा पराजित गर्दै पुलिसले उपाधि जितेको हो ।

उपाधि सँगै नेपाल पुलिस क्लबले रु १ लाख १ सय ५५, शिल्ड, मेडल र प्रमाणपत्र प्राप्त ग¥यो । यस्तै उपविजेता न्यू डायमण्डले ६५ हजार ५ रुपैयाँ सहित शिल्ड, मेडल र प्रमाणपत्र हात पा¥यो ।

६ टिमको सहभागिता रहेको उक्त प्रतियोगितमा गण्डकी प्रदेश तेस्रो बन्यो । तेस्रो स्थानको बिहान भएको खेलमा श्रीराम खेलकुद विकास समिति दाङलाई ३­–० को सोझो सेटमा पराजित गरेको थियो । तेस्रो भएको गण्डकीले २५ हजार ५ रुपैयाँ साथमा शिल्ड, मेडल र प्रमाणपत्रको हकदार बन्यो ।

प्रतियोगिताबाट उत्कृष्ट खेलाडी नेपाल पुलिसकी मनिसा चौधरी घोषित भईन । सोही क्लबकै सुशिला थापा उत्कृष्ट सेटर र उत्कृष्ट स्पाईकरको उपाधि कोपिला उप्रेतीले पाईन । त्यस्तै गण्डकीका रस्मिता दुरा उत्कृष्ट लिब्रो, न्यू डायमण्डका झरना श्रेष्ठ उत्कृष्ट सर्भर बनिन् भने उत्कृष्ट ब्लकर पुष्पा चौधरी, उत्कृष्ट क्वीकरको रुपमा पबित्रा सेञ्चुरी पुरस्कृत बनिन् ।