सन्दीप र सोमपाल किन गए सिंगापुरबाट सिधै क्यानडा?

काठमाडौं- सिंगापुरमा आइतबार मात्र सम्पन्न टी २० विश्वकपको एसियाली छनोट प्रतियोगितमा आयोजक राष्ट्र सिंगापुरसँग  ८२ रनको फराकिलो अन्तरले नेपाल पराजित भयो। नेपालले लज्जास्पद हार  व्यहोरेपछि २ खेलाडी भने स्वदेश नफर्की क्यानडातर्फ लागेका छन्।

नेपाली टिमका सन्दीप लामिछाने र सोमपाल कामी सिंगापुरबाटै क्यानडा लागेका हुन्। उनीहरु सोमबार नै क्यानडा पुग्ने बताइएको छ। दुबै बलर किन क्यानडातर्फ लागे भनेर  अहिले चर्चा सुरु भएको छ। 

उनीहरु ग्लोबल टी २० लिग खेल्नका लागि सिंगापुरबाट स्वदेश नफर्की क्यानडा लागेका हुन्। सन्दीपले टोरोन्टो नेसनल्स र सोमपालले विनिपेग हउग्सबाट ग्लोबल टी २० खेल्नेछन्। 

नेपाली राष्ट्रिय टिमका बाँकी सदस्य भने सोमबार नेपाल फर्कनेछन्।  सोमबार अबेर गरी नेपाल आइपुग्ने बताइएको छ।