लगानीको सुनौलो अवसर स्टान्डर्ड चार्टर्ड बैंकको ३ अर्ब ३० करोडको एफपिओ आउदै

काठमाडौं – स्टान्डर्ड चार्टर्ड बैंकले यसै आर्थिक बर्षभित्रमा ३ अर्ब ३० करोड रुपैयाँ बराबरको नयाँ साधारण सेयर (एफपिओ) निष्कासन गर्ने भएको छ । बैंकले आफ्नो वेभसाइट मार्फत पुँजी वृद्धि योजना सार्वजनिक गर्दे प्रिमियम मूल्यमा एफपीओ जारी गर्ने जनाएको हो । बैंकले एफपिओ र बोनस शेयर जारी गरेर राष्ट्र बैंकले तोकेको आठ अर्ब पुँजी पुर्याउने भएको हो ।

बैंकको गत असोज ३ मा बसेको संचालक समितिको बैठकले फर्दर पब्लिक अफारिंग (एफपीओ) निष्काशन गर्ने निर्णय गरेको थियो । तर बैंकले एफपिओ जारी गर्ने मूल्य भने खुलाएको छैन । बैंकका सेयर शाखाका रिजु श्रेष्ठले कति कित्ता सेयर कति प्रिमियमा जारी गर्ने भन्ने बिषयमा आफुहरुलाई जानकारी नभएको बताईन् ।

दुई अर्ब ८१ करोड रुपैयाँ चुक्तापुँजी भएको बैंकले यसअघिनै गतआर्थिक बर्षको मुनाफाबाट ३३ प्रतिशत बोनस वितरण गर्ने घोषणा गरिसकेको छ । बोनस सेयर जारी गरेपछि बैंकको चुक्ता पूँजी तीन अर्ब ७५ करोड पुग्नेछ । त्यसपछि बैंकले ३ अर्ब ३० करोड बराबरको नयाँ सेयर निष्कासन गर्नेछ ।

एफपिओपछि बैंकको पूँजी ७ अबै ५ करोड रुपैयाँ पुग्नेछ भने चालु आर्थिक बर्षमा एक अर्ब रुपैयाँ बराबरको बोनस बाडेर आठ अर्ब पुँजी पुर्याउने पुँजी योजनामा उल्लेख छ ।बैंकले गत आर्थिक बर्षमा एक अर्ब २६ करोड खुद नाफा कमाएको थियो ।