लमजुङमा रिटर्नी सेन्टर नेपालको जिल्ला भेला सम्पन्न

अशोज २० गते शनिबारका दिन लमजुङमा रिटर्नी सेन्टर नेपाल लमजुङ जिल्लाको प्रथम भेला मिनबहादुर तमाङको संयोजकत्वमा सम्पन्न भएको छ l

नेकपा (माओवादी केन्द्र )काे केन्द्रीय सदस्य तथा लमजुङ जिल्ला ईन्चार्ज आशा काेईरालाको प्रमुख आतिथ्यमा २५ सदस्यीय कमिटि चयन गरेका थिए l केन्द्रीय सदस्य तथा लमजुङ जिल्ला ईन्चार्ज आशा काेईरालाले कोहि रहर र कोहि बाध्यताले प्रतिभा भएका धेरै युवाहरु तथा बुद्धिजिबिहरु पनि बिदेशमा पलायन भएको बताइन l केन्द्रीय सदस्य काेईरालाले बाध्यताले विदेश फर्केका नेपालीहरु नेपालमा राम्रो अवसर पाए स्वदेश फर्कन चाहेका धेरै नेपालीहरु रहेको बताइन l रिटर्नी सेन्टर नेपालले स्वदेशमा रोजगार,स्वरोजगारको वातावरण सृजना गर्न महत्वपुर्ण भूमिका खेल्नु पर्ने तथा पार्टीले पनि सरकारमा भएकोबेला स्वदेश फर्केका रिटर्नीहरुको लागि बिभिन्न कार्यक्रमहरु ल्याउनुपर्ने केन्द्रीय सदस्य काेईरालाले बताइन l

भेलामा रिटर्नी सेन्टर नेपाल केन्द्रिय सहसंयोजक तथा गण्डकी प्रदेश इन्चार्ज राम चन्द्र अधिकारीले अहिले विदेश जाने संगसंगै स्वदेश फर्कने नेपालीहरु पनि उतिकै रहेको , विशेषगरी कोरिया , जापान , खाडी क्षेत्र तथा अन्य बिभिन्न देशमा श्रम गर्न गएका युवाहरु स्वदेश फर्कने गरेको बताए l केन्द्रिय सहसंयोजक अधिकारीले स्वदेश फर्केका युवाहरु स्वरोजगार हुन् खोजेको तर देशको भएको आर्थिक मन्दीले गार्हो भएकोले रिटर्नीहरुको पक्षमा काम गर्न सरकारलाइ दवाब दिनुपर्ने बताए l उहाले सरकारले पनि रिटर्नीहरुको श्रम, सिप , पुंजी तथा लगानीलाई सहि रुपमा प्रयोग गर्नुपर्ने बताए l

जिल्ला पार्टी कार्यलय हलमा शनिबार सम्पन्न भेलामा नेकपा (माओवादी केन्द्रका गण्डकी प्रदेश कमिटि सदस्यहरु हरिजङ्ग तमाङ, जिल्ला समिति सचिव सुनिल सुनार, रिटर्नी सेन्टर नेपालकाे केन्द्रीय सदस्य भिम सुब्बा तमाङ(बाबु साईला) लगायतको उपस्थिति रहेको थियाे ।