आजको मौसम : यी स्थानमा भारी वर्षाको सम्भावना

काठमाडौँ- मौसम पूर्वानुमान महाशाखाका अनुसार अहिले देशभर आंशिकदेखि सामान्य बदली रहेको छ । प्रदेश १, बागमती प्रदेश र लुम्बिनी प्रदेशका केही तथा बाँकी प्रदेशका थोरै स्थानमा मेघगर्जन/चट्याङसहित हल्कादेखि मध्यम वर्षा भइरहेको छ ।

आज शनिबार​ देशका केही स्थानमा भारी वर्षा हुने सम्भावना रहेको छ । दिउँसो प्रदेश १, गण्डकी, लुम्बिनी र सुदूरपश्चिम प्रदेशका एक÷दुई स्थानमा भारी वर्षाको सम्भावना रहेको महाशाखाले जनाएको छ।

यस्तै महाशाखाले आज राति देशभर आंशिकदेखि सामान्य बदली रही मधेस र प्रदेश-१ का एक/दुई स्थानमा भारी वर्षाको सम्भावना रहेको जानकारी दिएको छ ।