टिपरको ठक्करबाट मोटरसाइकल चालकको मृत्यु

विराटनगर – मंगलवार साँझ टिपरको ठक्करबाट एक जनाको मृत्यु भएको छ ।

मोरङको सुन्दरहरैचा ७ गोठगाँउमा पूर्वबाट पश्चिम जाँदै गरेको को१ख ६५०३ नम्बरको टिपरले विपरीत दिशाबाट आइरहेको प्रदेश १ ०२०४१प९१२५ नम्बरको मोटरसाइकललाई ठक्कर दिँदा मोटर साइकल चालक पथरी शनिश्चरे नगरपालिका २ का ४१ वर्षिय बिरेन्द्र लिम्बु घाइते भएका थिए ।

उपचारको क्रममा विपि कोइराला स्वास्थ्य बिज्ञान प्रतिष्ठामा घाइते लिम्बुको मृत्यु भएको इलाका प्रहरी कार्यालय बेलबारीले जनाएको छ ।

टिपर र टिपर चालकलाई नियन्त्रणमा लिई थप अनुसन्धान अगाडि बढाएको बेलबारी प्रहरीले जनाएको छ ।