बैतडीमा जिप दुर्घटना, चालकसहित दुईजना घाइते

बैतडी- महाकाली राजमार्गमा जिप दुर्घटना हुँदा चालकसहित दुईजना घाइते भएका छन् । दार्चुलाबाट महेन्द्रनगरका लागि छुटेको बा १२ च ४२४० नम्बरको जिप दोगडाकेदार गाउँपालिका-३ खोचलेक नजिकै सोमबार बिहान साढे ७ बजे दुर्घटनामा परेको हो ।

दुर्घटनामा कञ्चनपुरको वेदकोट नगरपालिका-८ गयलनदीका हरिस बोहरा र दोगडाकेदार-२ बडियाका दानसिंह भाट घाइते भएका छन् । खोचलेक प्रहरी चौकीका इञ्चार्ज मोती बमले उनीहरुको स्थानीय क्लिनिकमा सामान्य उपचारपछि बाहिर रेफर गर्ने तयारी भइरहेको जानकारी दिएका छन् ।

स्कारपियोमा चालकसहित दुई जनामात्रै रहेको प्रहरीले जनाएको छ । वर्षाका कारण सडक चिप्लो भएर दुर्घटना भएको बमको भनाइ छ। जिप सडकबाट १०० मिटर तल खसेको छ ।