झापामा जारी निषेधाज्ञा केही खुकुलो, आजदेखि यातायात सञ्चालन

काठमाडौँ- आजदेखि व्यवसायीको मागलाई सम्बोधन गर्दै झापामा जारी निषेधाज्ञा केही खुकुलो बनाइएको छ ।

जिल्ला प्रशासन कार्यालयले पूर्ण स्वास्थ्य मापदण्ड पालना गर्ने सर्तमा लकडाउन खुकुलो बनाइएको जनाएको छ ।

डीसीसीएमसीको सोमबार सम्पन्न बैठकले बिहान १० देखि बेलुका ६ बजेसम्म सबै व्यवसाय र यातायात खुला गर्ने निर्णय गरेको हो ।

प्रशासनका अनुसार बढी चहलपहल हुने खाद्यान्नलगायतका पसल भने बिहान ६ बजेदेखि बिहान १० बजेसम्म मात्र खुला गर्न पाइने छ ।

स्वास्थ्य सुरक्षाको मापदण्ड तथा समय तालिका पालना नगर्नेलाई कडा जरिवाना गर्ने प्रशासनद्वारा जारी सूचनामा उल्लेख छ ।