निषेधाज्ञाको समयमा विद्यालय सञ्चालन गर्नेलाई कारबाही

काठमाडौँ- मकवानपुरका दुई विद्यालय सञ्चालकलाई निषेधाज्ञाको समयमा विद्यालय सञ्चालन गरेको भन्दै जरिवना गराइएको छ ।

कोरोना महामारीका कारण जारी निषेधाज्ञाको समयमा विद्यालय सञ्चालन गर्ने हेटौँडाका दुई विद्यालय सञ्चालकलाई जिल्ला प्रशासन कार्यालय मकवानपुरले जरिवाना गरेको हो ।

जिल्ला प्रशासन कार्यालय मकवानपुरले कारबाही पर्नेमा हेटौंडा उपमहानगरपालिका–७ नागसोतीस्थित तासिर इंग्लिस सेकेन्डरी विद्यालयका सञ्चालक अमृतप्रसाद ढकाल र हेटौँडा उपमहानगरपालिका–५ स्थित ज्ञानोदय बालवाटिका विद्यालयका सञ्चालक मनहरि गाउँपालिका–५ बस्ने श्यामकुमार बानियाँ रहेको जनाएको छ ।

दुवै विद्यालयका सञ्चालकलाई संक्रामक रोग ऐन, २०२० बमोजिम जनही १० हजार रुपैयाँका दरले जरिवान गरेको कार्यालयले बताएको छ ।