पहिरोमा पुरिएर बझाङमा एकजनाको मृत्यु

बझाङ- एक महिलाको तलकोट गाउँपालिका–६ रजाडामा पहिरोमा पुरिएर मृत्यु भएको छ । शुक्रबार धारामा पानी भर्दै गर्दा पहिरो जाँदा ६० वर्षीया सुना दमाईको मृत्यु भएको हो ।

प्रहरी कार्यालय बझाङका प्रमुख रुपक खड्काले सुनाको पहिरामा पुरिएर मृत्यु भएको जिल्ला जानकारी दिए । उनले भने, “धारामा पानी भर्ने बेलामा जमिन भासिएर पहिरो खसेपछि पहिरोमा पुरिएर घटनास्थलमै दमाईको मृत्यु भएको हो।”

खड्काले प्रहरी चौकी मेलविसौनाबाट घटनास्थलमा पुगेको प्रहरी टोलीले शव पोष्टमार्टमका लागि जिल्ला अस्पताल सिमखेत ल्याउने तयारी गरेको बताएका छन् ।