भक्तपुरमा मोटरसाइकल दुर्घटना हँदा एकको मृत्यु

काठमाडौँ- सवारी दुर्घटनामा परि भक्तपुरमा एक युवकको मृत्यु भएको छ ।

प्रहरीका अनुसार सोलुखुम्बु चौलाखर्क ३ घर भएका २७ वर्षीय रमेश कुमार बस्नेतको उपचारको क्रममा मृत्यु भएको छ । बुधवार राति भक्तपुर मध्यपुर ठिमी नगरपालिका वडा नम्बर ४ चारदोबाटोमा कोटेश्वरतिरबाट जाँदै गरेको बा ७७ प ५६०५ नम्बर को मोटरसाईकल दुर्घटना भएको थियो ।

त्रिबि शिक्षण अस्पतालमा दुर्घटनामा गम्भिर घाइते भएका बस्नेतको आज बिहान उपचारको क्रममा उपचारको क्रममा मृत्यु भएको हो । प्रहरीले मोटरसाइकल पछाडि बसेका दुई जनाको भने उपचार भइरहेको जानकारी दिएका छन् ।