अर्घाखाँचीमा जिप दुर्घटना सात जना घाईते दुइको अवस्था गम्भिर

अर्घाखाँची –  जिप दुर्घटना हुँदा सात जना घाईते भएका छन् । अर्घाखाँची जिल्लाको सन्धिखर्क नगरपालीका वाडनम्वर २ जनज्योति उच्च माबि नजिकै लु १ ज ४५३८ नम्बरको डबल क्याप दुर्घटना हुँदा सात जना घाईते भएका छन् । घाईते मध्ये दुइ जनाको अवस्था गम्भिर रहेको प्रहरी नायव उपरिक्षक माधव बुढाथोकीले जानाकारी दिनुभयो ।
सन्धिखर्क नगरपालीका वाडनम्वर ९ अर्घा सक्रेटीबाट सदरमुकाम सन्धिखर्क तर्फ आउदैँ गरेको डबल क्याप जिप सडकबाट करिव ३५ मिटर तल भिरमा खसेर दुर्घटना भएको हो ।
दुर्घटनामा परि अर्घाखाँची सन्धिखर्क ९ अर्घाका २८ बर्षिय सुरज खनाल, उहाँको श्रीमती २३ बर्षिय रिता खनाल, उहाँको ४ बर्षिय छोरा सुक्रिम खनाल, सोही ठाउँकै ३३ बर्षिय सावित्री खनाल,१८ बर्षिय बिजय खत्री, जिप चालक ४२ बर्षिय ठकबहादुर खत्री र ६६ बर्षिय सीता खत्री घाईते भएको प्रहरीले जानाकारी दिएको छ ।
घाईतेमध्ये चालक ठकबहादुर खत्री र सीता खत्री गम्भीर घाईते रहेको जनाईएको छ । घाईतेको अर्घाखाँची अस्पतालमा उपचार भईरहेको छ । दुर्घटना भएको जानकारी पाउने बित्तिकै स्थानियवासी, नेपाल प्रहरी, नेपाली सेना, शसस्त्र प्रहरी घटनास्थलमा पुगेर घाईतेहरूको उद्धार गरि अस्पताल पठाईएको थियो ।