दक्षिण कोरियामा मास्क लगाउन अनुरोध गर्दा हातपात गर्नेलाई २० महिना जेल

सोल – दक्षिण कोरियाको राजधानी सोल स्थित डाङ्सान स्टेशनमा मास्क लगाउन अनुरोध गर्दा हातपात गर्ने एक दक्षिण कोरियाली नागरिकलाई २० महिना जेल सजाय तोकिएको छ । प्रतिक्षालयमा उनीसँगै बसिरहेका एक यात्रुले उनलाई मास्क लगाउन अनुरोध गरे लगत्तै हातपातमा उत्रिएका थिए ।

गत २७ अगष्टमा उक्त स्टेशनको प्रतिक्षालयमा मास्क नलगाई चर्को आवाजमा कुरा गरिरहेका उनलाई पिडितले मास्क लगाउन अनुरोध गरेका थिए । अनुरोध लगत्तै आक्रामणमा उत्रिएका ति व्यक्तिले पिडित माथि चप्पलले अनेकौँ पटक प्राहार गरेका थिए । उक्त झगडा छुट्याउन खोज्ने अन्य माथि समेत ति व्यक्ति जाई लागेका थिए ।

५८ बर्षिय अभियुक्तले पक्राउ पश्चात आफू मानसिक रोगी भएको र गल्ति माफ गरिदिन पटक पटक अनुरोध गरेका थिए । पिडितले माफि दिन नमानेका कारण उनिमाथि मुद्दा चलाइएको थियो । उक्त घटनाको भिडियो सामाजिक सञ्जालमा भाइरल समेत भएको थियो ।

अदालतले फैसलामा भनेको छ – पिडितले क्षमा नदिएको, अन्य यात्रुलाई असर पुर्याएको तथा सार्वजनिक स्थलमा झैझगडा गरेका कारण उनलाई उक्त सजाय तोकिएको हो ।