हात्तीले कुल्चदा एकको ज्यान गयो

दमक- झापाको कमल गाँउपालिका वडा नं. ५ मा पाडाजुंगीमा शुक्रबार विहान आएको हात्तीले कुल्चदा एक बृद्धको मृत्यु भएको छ । बिहान २.०० बजे दुईवटा बच्चा सहित आएको माउ हात्तीले कमल ५ पाडाजुँगीबाट बारकोठे जाने सडक अन्तर्गत सशस्त्र प्रहरीको क्याम्प नजिक नयाँ बस्तीका ६५ बर्षीय रोहित बहादुर रेग्मीको हात्तीको आक्रमणबाट मृत्यु भएको हो ।
हात्तीको बथानले कच्ची घरभित्र रहेको भकारी भत्काउन थालेपछि ज्यान बचाउन भाग्दै गर्दा उनलाई माउ हात्तीले लखेटेर कुल्चेर ज्यान लिएको इलाका प्रहरी कार्यालय दमकले जनाएको छ । बृद्धको घर समेत भत्काएको छ ।
दमक नगरपालिकाको दुम्से क्षेत्रमा र कमल गाँउपालिकामा एक महिनाअघि देखि हात्तीको ठुलो बथान यताउता गर्दै बसिरहेको स्थानीयहरुले बताएकाछन् ।