सर्वोच्च अदालतको बृहत् पूर्ण इजलास गठन

काठमाडौं- सर्वोच्च अदालतले सर्वोच्चका सबै १९ न्यायाधीश रहेको बृहत पूर्ण इजलास गठन गरेको छ । कानुनी बाधा अड्काउ फुकाउनका लागि भन्दै सर्वोच्चले सोमबार बृहत पूर्ण इजलाज गठन गरेको हो ।

गएको चैत ११ गतेदेखि लकडाउन लागु हुनुभन्दा अघि नै सर्वोच्च अदालतले सावधानी स्वरुप देशभरका अदालतमा सेवा सीमित गर्ने निर्णय गरेको थियो ।

त्यस निर्णय गर्दा सर्वोच्चले हदम्याद, म्याद, तारेख, पुनरावेदनसहितका कामहरु अदालत पूर्ण क्षमतामा सञ्चालनमा आएको १० दिन भित्र गर्ने बताएको थियो ।

लकडाउन लगातार बढेको अवस्थामा प्रभावित भएका न्याय सेवाहरु कसरी व्यवस्थित गर्ने भन्नेबारे कानूनी व्यवस्था नरहेकाले संवैधानिक बाधा फुकाउन सर्वोच्चको पूर्ण बृहत इजलास तोकिएको हो ।