घुससहित राजश्वका कर्मचारी पक्राउ

काठमान्डौ-अख्तियार दुरुपयोग अनुसन्धान आयोगको प्रदेश नम्बर ३ कार्यालयले घुससहित एक कर्मचारीलाई नियन्त्रणमा लिएको छ।

आन्तरिक राजश्व कार्यालय चितवनमा कम्युटर अधिकृतको दरबन्दीमा कार्यरत रामकुमार अधिकारीलाई कार्यालयले घुस रकम रु. १० हजारसहित मङ्गलबार पक्राउ गरेको हो।

आन्तरिक राजश्व कार्यालयका प्रमुख शुभप्रसाद रिजालले सेवाग्राहीबाट कम्युटर बिलिङको कामका विषयमा अधिकारीले रकम लिएको अभियोगमा पक्राउ गरेको बताएका छन्। अधिकारीलाई थप अनुसन्धानका लागि अख्तियार कार्यालय हेटौँडा लगिएको छ।