नेपाल पर्यटन बोर्डको सिईओमा रेग्मी नियुक्त

काठमाडौं-नेपाल पर्यटनको प्रमुख कार्याकारी अधिकृत (सिईओ) मा डाक्टर धनन्जय रेग्मी छनोट भएका छन्।

नेपाल पर्यटन बोर्ड संचालक समितिको मंगलबार बसेको बैठकले रेग्मीलाई सिईओमा नियुक्त गर्ने निर्णय गरेको हो।

छनोट उपसमितिले रेग्मी सहित दीपक बस्ताकोटी र हिक्मतसिंह ऐर गरी ३ जनालाई सिफारिस गरेको थियो। समितिका अनुुसार रेग्मीले ३४, बस्ताकोटीले २६.३ र ऐरले २६.१ अंक प्राप्त गरेका थिए।

भू–आकृति बिज्ञानमा पिएचनेपाल पर्यटन बोर्डको सिईओमा रेग्मी नियुक्त रेग्मी स्याङ्जाका स्थायी बासिन्दा हुन्। जलवायु परिवर्तन तथा हिमतालहरुको अध्येता रेग्मी पर्यटन क्षेत्रका पनि विज्ञ हुन्।

सिईओ छनोट समितिको सिफारिसमा यती समूहका सल्लाहकार बच्चुनारायण श्रेष्ठको नाम समावेश नभएपछि प्रधानमन्त्री केपी शर्मा ओली असन्तुष्ट बनेका थिए।

ओलीले बोर्डको सञ्चालक समितिका अध्यक्ष तथा संस्कृति, पर्यटन तथा नागरिक उड्डयन मन्त्रालयका सचिव केदारबहादुर अधिकारीलाई श्रेष्ठको नाम जसरी पनि लिस्टमा समावेश गर्न भनेका थिए।

त्यही कारणले अधिकारीले गत सोमबार बोलाएको बैठक अनिश्चितकालका लागि स्थगित गरेका थिए।