ट्रक दुर्घटनामा तीनजनाको मृत्यु

काठमाण्डौ-रुपन्देहीको रोहिणी गाउँपालिकामा आज तीन वटा ट्रक एकापसमा ठोक्किँदा तीन जनाको मृत्यु भएको छ भने दुई गम्भीर घाइते भएका छन्।

भैरहवा परासी सडकखण्डमा पर्ने रोहिणी गाउँपालिका-४ सिपागढमा भैरहवादेखि परासीतर्फ जाँदै गरेको लु १ ख ६७४५ नम्बरको ट्रक परासीदेखि भैरहवातर्फ आउँदै गरेको ना २ ख ८४८१ र ना ५ ख ७८५६ नम्बरको ट्रक आपसमा ठोक्किँदा ट्रकमा सवार तीन जनाको घटनास्थलमै मृत्यु भएको हो।

मृत्यु हुनेमा नवलपरासी पाल्हीनन्दन गाउँपािलका-४ बस्ने ३५ वर्षीय लालु कुर्मी, सोही ठाउँकै ३० वर्षीय मोबिकन कुर्मी र सुनसरी चदाराका ३६ वर्षीय पूर्णबहादुर भुजेल रहेको छन। दुर्घटनामा नवलपरासी पाल्हीनन्दन गाउँपालिका-४ बस्ने ४७ वर्षीय दुबे हरिजन र सिन्धुली सातामाटा बस्ने २७ वर्षीय मोहन राई गम्भीर घाइते भएका छन। घाइते दुवैको भैरहवास्थित भीम अस्पतालमा उपचार भइरहेको छ।