मोटरसाइकल दुर्घटनामा एकजनाको मृत्यु

काठमाण्डौ-अरनिको राजमार्गअन्तर्गत पाँचखाल नगरपालिका-५, ३७ किलो भन्ने स्थानमा टिपरको ठक्करबाट एकजनाको मृत्यु भएको छ।

पाँचखालबाट धुलिखेल आउँदै गरेको बा ८५ प ६०२६ नंम्बरको मोटरसाइकलमा सवार मण्डनदेउपुर नगरपालिका-७ का अन्दाजी ३२ वर्षका प्रदीप श्रेष्ठको दुर्घटनामा मृत्यु भएको हो।

सोही दिशाबाट आइरहेको बा ४ ख ११४५ नंम्बरको टिपरले ठक्कर दिँदा गम्भीर घाइते श्रेष्ठको धुलिखेल अस्पतालमा उपचारका क्रममा मृत्यु भएको जिल्ला प्रहरी कार्यालय धुलिखेलले जनाएको छ।