लाइसेन्स लिने उमेर हद बढाउने तयारी

काठमाडाैं-नेपाल सरकारले सवारी चालकको अनुमतिपत्र (लाइसेन्स) लिने उमेर हद बढाउने भएको छ।

यातायात व्यवस्था विभागले सवारी चालक अनुमतिपत्र पाउनका लागि न्यूनतम १८ वर्ष उमेर पूरा गरेको हुनुपर्ने व्यवस्था गर्न लागेको हो।

विभागले ल्याउन लागेको ‘सवारी तथा यातायात व्यवस्था ऐन-२०७६’ मा सवारी चालक अनुमतिपत्र पाउने उमेर कम्तिमा १८ वर्ष कायम गर्न आन्तरिक गृहकार्य गरेको हो।