मोएथाइ एशोसिएसन अफ पाँचथरले फिदिममा बृक्षरोपण

पाँचथर-मोएथाई एशोसिएसन अफ पाँचथरले आइतवार सदरमुकाम फिदिमका विभिन्न स्थानमा बृक्षरोपण गरेको छ ।

एशोसिएनले असार २५ देखि देखि आयोजना गर्न लागेको १ नम्वर प्रदेश स्तरीय प्रथम मोएथाइ च्याम्पियनसिप को उद्घाटनको पूर्व सन्ध्यामा फिदिमका विभिन्न स्थानमा बृक्षरोपण गरेको हो ।

एसोसिएसनले आइतवार अरान्ह ५ वजे फिदिम वजार स्थित युके कम्प्लेक्स अगाडीवाट शुरु भएको बृक्षरोपण गणतन्त्र चोक,अस्पताल मोड,शिवालय मन्दिर हुँदै सुम्हात्लुङ मन्दिर क्षेत्रमा पुगेको थियो ।

फिदिम बजारलाई स्वच्छ र हरियाली वनाउने अभियानको शुरुवात गरेको भन्दै एशोसिएसनले धुपी जातका विरुवा रोपेको अध्यक्ष बिक्रम राइले वताए । वृक्षरोपण पश्चात सुम्हात्लुङ मन्दिरमा एक सय ७ दिप प्रज्वलन समेत गरेको थियो ।

प्रतियोगिताको औपचारिक सुरुवात भने असार २५ गते हुने कार्यक्रम छ । प्रतियोगितामा पाँचथर सहित विभिन्न जिल्लाका एक सय ८ खेलाडीले भाग लिने वताइएको छ ।