ट्रयाक्टरले किचेर एक बालकको मृत्यु

पाँचथर,असार १९

पाँचथरको तुम्बेवा गाउँपालिका वडा नम्बर ३ मौवा बजारमा ट्रयाक्टरले किचेर एक बालकको मृत्यु भएको छ ।

मृत्यु हुनेमा तुम्बेवा २ का सुरेन्द्र खत्रीको ५ वर्षिय छोरा रिदम खत्री रहेका छन् । उनलाई वुधवार ट्रयाक्टरले किचेको हो ।

वालुवा लिएर आएको मे १ त ५४६० नम्बरको ट्रयाक्टरले किचेर उनको घटनास्थलमै मृत्यु भएको तुम्वेवा ३ का वडाअध्यक्ष कमल थापाले जानकारी दिए ।

ट्रयाकटर चालक मदन कार्कीलाई इलाका प्रहरी कार्यालय मौवाले पक्राउ गरेको जिल्ला प्रहरी कार्यालय पाँचथरले जनाएको छ ।