नेपाल बन्दको प्रभाव सामान्य

काठमाडाै‌ – विप्लव नेतृत्वको नेकपाले आह्वान गरेको नेपाल बन्दको प्रभाव काठमाडौं उपत्यकामा आंशिक रुपमा परेको छ। काठमाडौं उपत्यकामा आज विहानैदेखि अरु दिनको तुलनामा कम गाडी चलेका छन्।

आफ्ना नेता कार्यकर्तालाई प्रहरीले पक्राउ गरेको विरोधमा विप्लव नेतृत्वको नेकपाले सोमबार बन्द आह्वान गरेको हो। प्रहरीले सोमबार विप्लव नेतृत्वको नेकपाका नेता हेमन्तप्रकाश वलीसहितका नेता कार्यकर्तालाई विराटनगरबाट पक्राउ गरेको थियो।

काठमाडौं उपत्यका ट्राफिक प्रहरी महाशाखाले उपत्यकामा सामान्य रुपमा गाडी चलिरहेको जनाएको छ। देशका अन्य शहर बजारमा पनि बन्दको सामान्य प्रभाव छ। मोरङमा बजार, कलकारखाना, शैक्षिक संस्थाहरु बन्द छन्। तर, छोटो दुरीका सवारी साधनहरु भने चलिरहेका ट्राफिक प्रहरीले जनाएको छ।

काठमाडौंबाट छुट्ने लामो दूरीका गाडी आज विहानै सम्बन्धित ठाउँका लागि छुटिसकेको नेपाल प्रहरीले जनाएको छ।