काभ्रे सम्पर्क समिति कोरियाको पाँचौं अधिबेशन जनवरी २८ मा

सोल – काभ्रे सम्पर्क समिति कोरियाको पाँचौं अधिबेशन जनवरी २८ मा सउलमा हुने भएको छ। दक्षिण कोरियाका सम्पुर्ण काभ्रेलीहरु एक हौं,काभ्रेको बिकाशमा टेवा पुर्‍याउँ भन्ने उद्देश्यले २०११ मा काभ्रे सम्पर्क समितिको स्थापना भएको थियो।
प्रवाशी भुमि दक्षिण कोरियामामा रहेका सम्पुर्ण काभ्रेली हरुको एकता तथा भाईचारामा वृद्धि गराउँदै सामाजिक कार्यमा सकृय रहेको समितिले सफलता पुर्वक आफ्नो ६ बर्ष पूरा गरिसकेको छ।
यहि २८ तारिक हुने अधिबेशनमा सस्थाले यो कार्यकालमा गरेका सामाजिक काम, आर्थिक हरहिसाब तथा आगामी योजना समेत प्रस्तुत गर्ने योजना रहेको जनाएको छ। साथै सोही दिन नवआगन्तुक काभ्रेलीको स्वागत तथा आफ्नो भिषा अवधी सकेर नेपाल जान लाग्नु हुने सस्थामा सकृय सहयोगी शुभचिन्तक हरुको बिदाई समेत सोही दिन गरिने समितिका सदस्य सानू लामाले जानकारी दिए |

कोरियामा विभिन्न पेशा ब्यबसाय, अध्यन, रोजगारी तथा अन्य शिलशिलामा रहेका सम्पुर्ण काभ्रेली हरुलाई तोकिएको स्थान र समयमा उपस्थित भैइ अधिबेशन सफल पारिदिनुहुन काभ्रे सम्पर्क समितिले हार्दिक अपिल गरेको छ। साथै सोही अधिबेशनबाट नयाँ कार्यसमिति समेत चयन गरिने पनि अध्यक्ष गणेश तिमल्सिनाले बताए।
स्थान:- ईन्डीया प्यालेस सउल
लाइन नं. ६ अानाम् स्टेशन गेट ३ बाट ५० पाइला अगाडी ।

सम्पर्कः-०१०-४२६३-८०२२
समय:- साँझ ६ बजे
मिति २०१७/०१/२८ तारिक अर्थात सल्नालको दोस्रो दिन