विपद् व्यवस्थापन तालिम समापन

काठमाडौं-राष्ट्रिय प्रहरी प्रशिक्षण प्रतिष्ठान महाराजगंजको तत्वावधानमा विपद् व्यवस्थापन महाशाखा सामाखुशीमा सञ्चालित पहिलो उपचार सहयोगी, भत्केका संरचनामा खोजी तथा उद्दार र विपद् पश्चात शव व्यवस्थापन चौथो समूहको तालिम समापन भएको छ ।

तालिम समापन कार्यक्रमका प्रमुख अतिथी प्रहरी वरिष्ठ उपरीक्षक ठुले राईले शुक्रवार महाशाखामा आयोजित एक समारोहविच प्रशिक्षार्थीहरुलाई प्रमाणपत्र वितरण गर्दै तालिमबाट सिकेका व्यसायीक ज्ञान,सीपलाई कार्यक्षेत्रमा लागू गर्नुपर्ने बताए ।

समारोहमा तालिम संयोजक प्रहरी निरीक्षक कुमार प्रसाद मैनालीले तालिम सम्बन्धी प्रतिवेदन प्रस्तुत गर्नुभएको थियो । गत पुस १ गतबाट शुरु भएको २४ कार्यदिन रहेको उक्त तालिममा प्रहरी नायव निरीक्षक २, प्रहरी सहायक निरीक्षक १३ र प्रहरी जवान १५ गरी कुल ३० जना प्रशिक्षार्थीहरुको सहभागिता रहेको थियो ।

विपद् घटनाबाट हुन सक्ने विभिन्न आकस्मिकताहरु बारे विश्लेषण गरी प्राथमिक उपचार दिन तथा सुरक्षित तरिकाले विरामीलाई अस्पताल पु¥याउन, भत्केका संरचनामा सुरक्षित रुपमा प्रवेश गरी उचित औजार उपकरण तथा उद्दार रणनिति प्रयोग गरी घाईतेको उद्दार गर्न, शव व्यवस्थापनका चरणहरु बारेमा जानकारी दिई उचित तरिकाले विपद् पश्चात शव व्यवस्थापन गर्न प्रशिक्षार्थीहरुलाई उद्धारकार्य सम्वन्धी आवश्यक ज्ञान, सीप प्रदान गरी दक्ष उद्धारकर्मी तयार गर्नु तालिमको प्रमुख उद्धेश्य रहेको थियो ।