पानीमुनिकै जग्गाको पनि लालपुर्जा

काठमाडौं – पर्यटकीय केन्द्र फेवाताल अतिक्रमण घट्नुको साटो झन् बढिरहेको छ । तालको करिब १७ सय रोपनी जमिन अतिक्रमणमा परेको पुष्टि भइसकेपनि यस विषयमा सरकार मौन छ ।
केहि समयअघि सरकारद्धारा गठित छानविन समितिको अध्ययनले यति धेरै जग्गा मिचिएको देखाएको थियो ।
व्यक्तिले पानीमुनिको जग्गा समेत आफ्नो नाममा दर्ता गराएको औंल्याउँदै समितिले उक्त जग्गा तालको नाममा फिर्ता ल्याउन सुझाए पनि कार्यान्वयन नभएको आजको कान्तिपुर समाचारमा छ।
‘३०३४ सालको नापी हेर्दा अहिले एक हजारभन्दा बढी व्यक्तिले फवपातालको जग्गा आफ्नो नाममा दर्ता गरेको देखिन्छ ।’ समिति संयोजक विश्वप्रकाश लामिछानेले भने ‘नापी कर्मचारीबाटै अवैध दर्ता गरिएको पाइएको छ ।’