कोरियामा बेरोजगारहरुको संख्या ह्वात्तै बढ्यो, कायम गर्यो नयाँ रेकर्ड

सोल-कोरोना संक्रमणका कारण ध्वस्त बनेको श्रम बजारले गति लिन नसक्दा दक्षिण कोरियामा रोजगार गुमाउने मानिसहरुको संख्याले नयाँ रेकर्ड कायम गरृको छ ।

अधिकांश श्रम क्षेत्र बन्द हुनु, खुल्ला भएका श्रम क्षेत्रहरु पुर्ण क्षमतामा चल्न नसक्नु तथा मानिसहरुमा त्रास कायमै रहनु यसका प्रमुख जिम्मेवार पक्ष रहेका छन् ।

सरकारी तथ्याङ्कका अनुसार मे महिनामा तीन महिना भन्दा कम समयका लागि जागिर खोज्ने मानिसहरुको संख्या ७ लाख ३५ हजार पुगेको छ । सरकारी अधिकारीका अनुसार सो संख्या गत वर्षको सोहि समयको भन्दा धेरै माथि हो । गत बर्ष सोही समयमा १,०७,००० जनाले जागिर खोजेका थिए ।

दक्षिण कोरियाली सरकारले कोरोना संक्रमण सुरु भए पश्चात सामाजिक दुरीलाई कडाई गर्दै आर्थिक गतिविधिलाई समेत खुम्च्याएको थियो ।

यस बाहेक कोरियाका उद्योगहरु चीनमा आश्रीत भएको तथा चिनबाट सामाग्री आयात निर्यात गर्ने वातावरण नबन्दा दक्षिण कोरियाको रोजगार क्षेत्र तहसनहस भएको हो ।

सरकारले निश्चित साबधानी अपनाएर सामाजिक तथा आर्थिक गतिविधि सञ्चालन गर्न भनेता पनि मानिसमा ब्याप्त मानसिक त्रास तथा भयका कारण उनीहरु कार्यक्षेत्र जान नमान्ने तथा कैयौँ कम्पनिहरु टाठ पल्टिएका कारण पनि दक्षिण कोरियाको रोजगार बजारमा यति ठूलो संकट आएको विज्ञहरु बताउछन् ।