बजार प्रतिनिधिको पारिश्रमिक कटौती गर्ने र जागिर खोस्ने काम नगर्न आग्रह

काठमाडौं – नेपाल बजार विक्री प्रतिनिधि संघले बजार प्रतिनधिहरुको पारिश्रमिक कटौती नगर्न र रोजगारी खोस्ने काम नगर्न आग्रह गरेको छ ।

संघका अध्यक्ष सूर्य पराजुलीले विज्ञप्ती निकालेर कतिपय कम्पनीले पारिश्रमिक कटौती गर्ने र रोजगारी नै खोस्नेसम्मका काम गरेको पाईएकोले त्यसो नगर्न उद्योगी व्यवसायीहरुलाई आग्रह गरेका हुन् ।

कोरोना भाईरसको संक्रमणले निम्त्याएको परिस्थितिका कारण सबै क्षेत्रमा समस्या आएकोले बजार प्रतिनिधिहरुको जिवनयापनमै समस्या आउने गरी गतिविधि नगर्न अध्यक्ष पराजुलीको आग्रह छ ।

बजार प्रतिनिधिकै कारण उद्योग प्रतिष्ठानले आफ्नो प्रतिष्ठा जोगाउन सफल भएकोले यस्तो समयमा उनीहरुको तलब कटौती गर्ने, कर्मचारी घटाउने लगायत गतिबिधि खाईपाई आएको सबै सेवा सुविधा उपलब्ध गराउन संघले सबै उद्योग प्रतिष्ठानलाई आग्रह गरेको छ ।