कोरियामा बेरोजगारी समस्या सन् २००९ यता कै उच्च

सोल-कोरोना माहामारीका कारण विश्व बजार ठप्प भएको छ । यसको असर विश्वका अनेकौँ क्षेत्रमा परिरहेको छ । यसको प्रत्यक्ष प्रभाव दक्षिण कोरियाको रोजगार केन्द्रमा पनि परेको छ ।

दक्षिण कोरियाली तथ्यांक विभागका अनुसार कोरियामा मार्च महिना सम्ममा १ लाख ९५ हजार रोजगारका अवसरहरु गुमेका छन् जुन सन् २००९ पछिकै ठूलो दर हो ।

तथ्यांकका अनुसार सन् २००९ मा सो संख्या २ लाख ४० हजार पुगेको थियो ।

बेरोजगारी दर ०.१ प्रतिशतले मात्र घटेको देखिए तापनि रोजगार मानिसहरुको संख्या भने करिव २ करोड ६६ लाखमा झरेको तथ्यांक विभागको तथ्यांकमा बताइएको छ ।

कोरोना भाइरस संक्रमणकै कारण करिव ४,२०,००० आंशिक जागीरेहरुको रोजगार गुमेको पनि तथ्यांकमा भनिएको छ ।

मानिसहरुसँग प्रत्यक्ष सम्पर्कमा जानपर्ने किसिमका जागिरमा ठूलो गिरावट आएको बताउदै कोरोना संक्रमणका कारण खाद्यान्न बाहेकका अन्य क्षेत्रमा नराम्रो असर परेको रोजगारदाता कम्पनीहरुले बताएका छन् ।

यता कोरियाका अर्थ मन्त्री होङ नाम कीले सरोकारवालाहरु सँग एक बैठक आयोजना गरेर कोरियाको रोजगार व्यवसायलाई थप धरासायी हुन नदिने बताएका छन् ।