कोरोनाले ईपीएस परीक्षा अनिश्चित

सोल- कोरोना भाइरसको संक्रमण बढे संगै रोजगार अनुमति प्रणाली (ईपीएस ) अन्तर्गतको कोरियन भाषा परीक्षा मिति अनिश्चित बनेको छ |

कोरिया सरकारले अदक्ष कामदार आपूर्ती गर्न हरेक बर्ष लिने गरेको कोरियन भाषा परीक्षा नेपाल र कोरियामा कोरोना संक्रमण बढे संगै यो बर्षको भाषा परीक्षा अनिश्चित बन्न पुगेको हो |

मानव संशाधन विकास केन्द्रले एक सूचना जारि गर्दै कोरोना संक्रमणका कारण अनिश्चितकालका लागि बन्द गरिएको जनाएको छ |

केन्द्रले सूचनामा ‘परीक्षा हुने’ भने पनि तत्काललाई केहि समय स्थगित गरिएको जनाएको हो |

कोरिया सरकारले २०२० का लागि ५६ हजार कोटा निर्धारण गरेको छ |

गत बर्ष कोरिया सरकारले निर्धारण गरेको तालिका अनुसार चैत्र पहिलो /दोश्रो हप्ता परीक्षा आवेदन, जेठ अन्तिम हप्ता परीक्षा र असार दोश्रो हप्ता परीक्षाफल प्रकाशन हुने गरेको थियो |