कोरियामा ईपीएस कामदारलाई काम खोज्ने समय २ महिना थप

सोल-कोरियाको श्रम मन्त्रालयले कोरोना भाइरसको कारण कम्पनी परिबर्तन गरि अर्को काम खोजिरहेको इपिएसको श्रमिकको काम खोज्ने अवधि २ महिना बढाएको छ |

जस अनुसार अहिले कम्पनि छोडेर कामको खोजीमा रहेको इपिएसको प्रवासी श्रमिकले फेब्रुअरी २८ देखि अप्रिल ३० सम्म उनीहरुलाई मेसेज दिए पनि काम खोज्ने अवधि गणना हुने छैन |

प्रवासी मजदूर युनियन ( एमटीयू ) का अध्यक्ष उदय राईका अनुसार कामदारको काम खोज्ने अवधि जति छ त्यो बचत रही रहनेछ | अप्रिल ३० देखि मात्र बाकी रहेको अवधि गणना हुनेछ .

अहिले फेब्रुअरी २८ पछि काम छोड्ने इपिएसको श्रमिकको काम खोज्ने अवधि (३ महिना ) पनि अप्रिल अप्रिल ३० पछिदेखि गणना हुनेछ |

काम खोजे अवधि बढाइएको समयमा रोजगार केन्द्र लगायत एक क्षेत्रदेखि अर्को क्षेत्रमा आवतजावत नगर्न पनि श्रम मन्त्रलयले अनुरोध गरेको छ | रोजगार केन्द्रमा काम परेको अवस्थामा फ्याक्स ,इन्टरनेट ,फोन मार्फत सम्पर्क गर्न भनिएको छ |