कोरोना त्रास – जापानी उद्योगहरुमा काम हुनै छोड्यो

टोकियो- चीनबाट फैलिएको कोरोना भाइरस संक्रमणका कारण विश्वको तेश्रो ठूलो अर्थतन्त्र भएको देश जापानमा पनि व्यापक असर परेको छ ।

हाल उक्त संक्रमणका कारण जापानको अर्थतन्त्र संकटमा परेको उल्लेख गर्दै व्यवसायी तथा उद्योगीहरुले सरोकारवालाहरुले बेलैमा यस विषयलाइ सम्बोधन गर्ने गरि निति तथा नियम नबनाए जापानी अर्थतन्त्र तहसनहस हुने समेत चेतावननी दिएका छन् ।

खरिद व्यवस्थापन सुचक (पीएमआई) ले हालै प्रकाशन गरेको सुचकांकका अनुसार हाल जापानको सुचकांक ४७.६ छ जो सन् २०१२ को भन्दा पनि कम हो ।

यो प्रारम्भिक अध्ययाको प्रतिवेदनमा उल्लेखित हो । यदी अन्तिम प्रतिवेदनमा समेत सोही किसिमको सुचकांक देखिए त्यो सन् २००७/२००८ को आर्थिक संकट भन्दा पनि नराम्रो हुने छ । यो अध्ययन जिवु बैंक फ्लास जापानले गरेको हो ।

कोरोना सन्त्रास पश्चात विश्वभरबाट कच्चा पदार्थमा आएको गिरावट, आप्रवासि कामदारहरु स्वदेश फर्किनु, निर्यातमा कमि आउनु, स्थानीय सर्वसाधारणहरु समेत सो रोगको त्रासदीमा बाहिर निस्कन डराउनु तथा आफूलाई सार्वजनिक स्थानमा जान बन्द गर्नु आदी जापानको अर्थतन्त्रलाई हल्लाउने प्रमुख कारक हुन् जो कोरोना त्रासका नतिजा हुन् ।