कोरियामा विदेशी कामदारको भिसा थपिने

सोल-दक्षिण कोरियामा कार्यरत बिदेशी कामदारको भिसा अवधि थपिने भएको छ ।

कोरोना भाईरसको सङ्क्रमण बढेसङ्गै जनशक्ती अभाव भएको कारणले यहाँ बसोबास गर्ने विदेशी कामदार लगाएत विधार्थीहरुको कोरिया बसाई अबधी बढाईने भएको हो ।

यहाँको न्याय ,श्रम,मत्स्य तथा सामुन्द्रिक मामिला मन्त्रालयको शुक्रबार बसेको सयुक्त बैठकले कोरियामा अदक्ष कामदारको रुपमा रहेका ई-९ भिसा भएका कामदार र ई-१० भिसा भएका विदेशी कामदारको भिसा ५० दिन थप गर्ने निर्णय भएको हो।

विश्वब्यापी कोरोना सङ्क्रमणको कारण दक्षिण कोरियामा काम गर्न आउने बिदेशी कामदारको संङ्ख्यामा कमी आएसंगै यहाँको श्रम तथा न्याय मन्त्रालयले कामदारको अभाव परिपुर्ती गर्नको लागी यस्तो कानुनको व्यवस्था गरेको हो ।

कोरियामा कार्यरत ई-९ भिसा बहाक कामदार र ई-१० भिषा बहाक कामदारको भिसा सकिन लागेको तथा सकिईसकेको अबस्थाका कामदारले यो योजनामा सहभागी हुनसक्ने छन् ।

५० दिन भिषा अबधी थप्ने हकमा बिधार्थीहरुले ईमिग्रेशन नगई अनलाईन मार्फत नै आबेदन दिन सक्ने ब्यबस्था रहने तथा कामदारको हकमा पनि यो ब्यबस्था लागु गर्ने तयारीमा रहेको न्याय मन्त्रालयले जनाएको छ ।

न्याय मन्त्रालयका एक अधिकारीले भने, “हामीलाई आशा छ कि यो उपायले औद्योगिक क्षेत्रमा कामदारको अभाबको समस्यालाई समाधान गर्दछ।हामी सम्बन्धित विभागहरूसँगको सहकार्यमा सुरक्षित र दक्ष अन्तर्राष्ट्रिय विद्यार्थी रहनको प्रबन्ध गर्न जारी राख्नेछौं।”

अबदेखी अर्को नियम परिवर्तन नभएसम्म कमिटेड कामदार तथा कम्पनी परिवर्तन गरेका भिसा अबधी सकिन लागेका दुबै कामदारहरुले कोरियामा थप ५० दिन बैधानिक तरिकाले बस्न पाउनेछन।