जापानले अब मेरिटका आधारमा तलव भत्ता दिने

टोकियो- हाल जापानका अधिकांश कम्पनिहरुले आफ्ना कामदारहरुलाई मेरिटमा आधारित तलव सुविधा उपलब्ध गराउने प्रकृया सुरु गरेका छन् ।

राज्यको आर्थिक स्थितिलाई थप मजबुत बनाउन यो प्रकृया फलदायी हुने जानकारहरु बताउदछन् । यसो गरिएका कर्मचारीहरुको काम प्रतिको लगनशीलता तथा जिम्मेवारी पनि बढेर जाने बताईएको छ ।

टोयोटा मोटर्सको मजदुर युनियनले यो प्रकृया कम्पनि तथा कामदार दुबैका लागि लाभदायक रहेको बताएको छ ।

यो नियम लागु भएपछि अब मजदुरहरुको तलव एकमुस्ट रुपमा बढ्ने नभई उनीहरुको कामको प्रस्तुतिकरणले निर्धारण गर्ने छ । यो सुविधाले युवा कामदारहरुको तलव बढ्ने तथा पुराना र नयाँ कामदारहरु वीचको तलव असमानता पनि घट्ने छ ।

प्रधानमन्त्री सिञ्चो आबेको सरकारले लचिलो श्रम बजारको नितीका विषयमा वकालत गरेता पनि हाल आएको नयाँ निती त्यसको विपरित पाईएको छ । यौटा जापानी गैरसरकारी संस्थाका अनुसार हाल जापानमा करिव ५८ प्रतिशत कार्यालयहरुले मेरिट बेसमा तलव दिने गरेका छन् ।

जापानको एक प्रतिस्ठीत ईलेक्ट्रोनिक्स कम्पनि फुजित्सु लिमिटेडले मेरिट वेस पेमेन्ट पद्दति लागु गरेको छ । यस कम्पनिले दक्ष कर्मचारी जस्तै टेक ईन्जिनियरहरुलाई उसले वार्षिक करिव ३० मिलियन येन तलव दिन्छ । उसले आफ्ना ३२००० कर्मचारिहरुलाई औशत ८ मिलियन येन तलव सुविधा उपलब्ध गराउदै आएको छ ।

टोयोटा मजदुर संगठनले आफ्ना कामदारहरुको अौसत आमदानी १०१०० येन माग गरेको छ । मेरिट बेस पे ले दक्ष र अदक्ष कामदारहरुले लिने तलव सुविधामा फरक आउने बताउदै यसले कामदारहरुलाई मार परेता पनि कम्पनिको उन्नतीका लागी आफुहरु सो प्रणाली मान्न तयार रहेको संघका एक प्रतिनिधिले बताए ।

सन् १९५० बाट सिन्तो नामक संस्थाले जापानी मजदुरहरुको तलव सुविधा बारे वकालत गर्दै आएको छ । सो संस्थाका एक अधिकारीका अनुसार हाल तलव सुविधाको विषय मजदुरहरुको प्रमुख मुद्दाको विषय रहेता पनि मेरिट वेस पेमेन्टले मजदुरहरुलाई आफ्नो तलवमान आफै निर्धारण गर्न सक्ने बनाएको बताउदै यसलाई मजदुरहरुले अन्यथा नबुझि आफुलाई थप कनम गर्ने हौसलाको रुपमा लिन समेत अनुरोध गरेको छ ।