कोरियाले २०२० मा ५६ हजार बिदेशी कामदार भित्र्याउने

सोल-दक्षिण कोरिया सरकारले बिदेशी कामदार भित्र्याउन सन् २०२० का लागि ५६ हजार  कोटा निर्धारण गरेको छ ।राेजगार अनुमति प्रणाली (ईपिएस) मार्फत लिइने बिदेशी कामदारको संख्या बुधबार सार्बजनिक गरिएको हो ।

सूचना अनुसार सबैभन्दा धेरै कोटा औद्योगीक उत्पादन क्षेत्रमा ४० हजार ७ सय, कृषि क्षेत्रमा ६ हजार ४ सय ,मत्स्यपालन ३ हजार , निर्माण क्षेत्र २ हजार ३ सय, सेवा क्षेत्र १ सय अन्य थप ३ हजार ५ सय तोकिएको छ।

उक्त काेटा नेपालसहित १६ देशकाे लागि निर्धारण गरिएको हाे । नेपाललाई दिइने काेटा मानव संसाधन विकास केन्द्र (एचआरडी } तोक्ने छ ।

कोरिया गएका नेपाली कामदार इमान्दार र मिहेनती भएकाले धेरै कोरियाली रोजगारदाताको रोजाइमा पर्ने गरेका छन् । त्यस्तै अबैधानिकको संख्या समेत अन्य देशको तुलनामा नेपाली कम भएकाले कोरिया सरकारले नेपाली कामदारलाई बढी प्राथमिकता दिने गरेको छ ।