कोरिया आएको १७ दिनमै थीरबहादुरको मृत्यु

सोल- रोजगारी गर्न दक्षिण कोरिया आएका एक नेपाली कामदारको औद्योगीक दुर्घटनामा परेर मृत्यु भएको छ |

रोजगार अनुमति प्रणाली मार्फत यहाँ आएका सुर्खेत पन्चपुरी नगरपालीका २ घर भएका २३ बर्षीय थीरबहादुर दर्लामीको शनिबार बिहान भएको दुर्घटनामा परेर मृत्यु भएको हो |

दर्लामी थेयङ गुम्सोक खोङअप कम्पनीको कामदारको रुपमा १७ दिन अघि आएका थिए | उनले काम शुरु गरेको ११ दिन भएको थियो | त्यहाँ कार्यरत अन्य नेपाली कामदारको अनुसार शनिबार बिहान माथीबाट गरुङ्गो सामान झरेर लागेपछी गम्भिर घाईते भएका थिए |

घटना लगत्तै नजिकैको हस्पिटल पुर्याएर उपचार गरिएतापनि गम्भिर चोट लागेको कारण उपचारका क्रममै आज बिहान १० बजे अस्पतालले मृत घोषणा गरेको थियो |

अविवाहित रहेका दर्लामीको आमाबुवा,एकजना दाई र २ जना दिदी रहेको बुझिएको छ।