कोरियामा १७ जना नेपाली किन भागे

सोल-दक्षिण कोरिया नेपाली युवाका लागि कमाउने आकर्षक गन्तब्य हो | यहाँ प्रवेश गर्न रोजगार अनुमति प्रणाली,बिद्यार्थी,ब्यबसायी, पर्यटक लगायत विभिन्न माध्यमबाट प्रवेश गर्ने गर्दछन | पछिल्लो समय मौसमी कामदार भित्र्याउने नियम पनि बनेको छ |

यसरि विभिन्न माध्यममा कोरिया प्रवेश गरे पनि आखिर उद्धेश्य भनेको कमाउने नै हो | पछिल्लो समय आएका मौसमी कामदारहरु अन्य देशका लागि सहज भए पनि नेपालका लागि धेरै समस्या र चुनौती रहेका छन् | छोटो समयका लागि आएर नेपाल फर्किनु पर्ने नियम रहेको छ | यस्तो अवस्थामा हालै पोछन नगरपालिकाका लागि नेपालबाट आएका १७ जना मौसमी कामदारहरु कार्य स्थलबाट भागेको यहाँका स्थानीय संचार माध्यमले जनाएका छन् |

उनीहरु भाग्नुको कारण कोरियामा लामो समय काम गर्न चाहानु नै हो | मौसमी कामदार छनौट प्रक्रिया सरल,सहज र मितव्ययी हुनु आवश्यक छ भने कामदार छनौटमा बिचौलियाको घुसपेठले लागत बढी हुने भएकाले पनि भाग्ने गरेको हुन् |

नेपालको पन्चपुरी नगरपालिकामार्फत गत जुन र जुलाईमा तरकारी फार्ममा काम गर्न आएका नेपालीहरु फर्कन करिब १ हप्ता मात्र बाँकी रहेको बेला यसरी भागेका हुन् |

नेपालको पन्चपुरी नगरपालिका र कोरियाको पोछन नगरपालिका बीच यहाँको कृषि कार्यमा सहयोग गर्ने समझदारी अनुरुप ९० दिनका लागि सि-९ भिसामा ४१ जना नेपाली मौसमी कामदारको रुपमा कोरिया आएका थिए । अहिले तिनीहरु सबै अक्टोबर १४ देखि हराउन थालेको जनाएको छ ।

भागेका १७ जना नेपालीको बारे पोछन नगरपालिकाको एक अधिकारीका अनुसार उनिहरुको फर्कने दिन नजिकिदै गरेको बेला यसरी कामदारहरु हराउँदा यसबाट धेरै समस्याहरू आउन सक्ने चिन्ता गरेका छन् ।

कोरियामा विशेष गरि कृषि क्षेत्रमा कामदार परिपुर्ति गर्नकालागी २०१५ बाट विभिन्न देशबाट मौसमी कामदारको रुपमा ९० दिनका लागी कामदार ल्याउन सुरु गरेको हो ।

मौसमी कामदारहरु ९० दिन भन्दा बढी बस्न पाउँदैनन् । यहँको कुनै एउटा नगर र अर्को देशको कुनै एउटा नगर बीच सम्झौता गरेर यस्तो कामदार ल्याउने गरिएको छ । १७ जना मौसमी भागे संगै नेपाल फेरी त्यस्तो सुबिधा पाउने या नपाउने बिषयमा कोरिया सरकारको गम्भीर ध्यान आकर्षण भएको जनाइएको छ |