कोरिया जाने नेपाली कामदारले गुन्द्रुक सुकुटी लगे रोजगारी गुम्ने

सोल-रोजगार अनुमति प्रणाली (ईपीएस) मार्फत दक्षिण कोरिया रोजगार गर्न जाने नेपालीले गुन्द्रुक,सुकुटी लगायत १० वटा बस्तु लान नपाउने भएका छन् |

ईपीएस शाखा नेपालले कामदारका लागि सूचना जारि गर्दै गुन्द्रुक,सुकुटी,माछा,मासु ,घ्यु,तेल,अचार,फलफूल,दाल, मसला,जस्ता खाध्य पदार्थ र बोटबिरुवा समेत नलान आग्रह गरेको हो।

भाषा परीक्षा पास गरेर पहिलो चोटी कोरिया जान लागेका र कमिटेड वर्करका रुपमा काम गर्न कोरिया जान लागेका नेपाली कामदारले उल्लेखित १० वटा कुरा कोरिया लगे रोजगारी नै गुम्ने सूचनामा जनाइएको छ।

ईपीएस शाखा नेपालले जारि गरेको सूचनामा निषेध गरिएका बस्तुहरु कुनै कामदारले लगेको बिमानस्थलमा पाइए उक्त व्यक्ति कोरियाको रोजगारीको लागि जान नपाउने जनाइएको छ।

हालै जारि गरिएको सूचनामा समुहमा कोरिया गएका मध्ये कुनै एकजनाले मात्र पनि प्रतिबन्धित बस्तुहरु लगेको भेटिए समुहका सबैलाई नेपाल फर्काइने समेत जनाइएको छ।