कोरियामा मौसमी कामदारको अवधि थपियो

सोल- कोरियाको मौसमी कृषि कार्यमा काम गर्ने विदेशी कामदारहरूको बसोबास अवधि ३ महिना देखि ५ महिना सम्म विस्तार गर्ने न्याय मन्त्रालयले जनाएको छ।

मन्त्रालयले मौसमी कामदारहरूको लागि नयाँ भिसा प्रकार – E-८ स्थापित गर्न अध्यागमन कानूनमा संशोधन गर्ने योजनाको घोषणा गरेको हो। यो नयाँ नियम नोभेम्बरमा मन्त्रिपरिषद्को बैठकमा स्वीकृति पश्चात लागू हुने अपेक्षा गरिएको छ।

हालको कानून बमोजिम, आप्रवासी कामदारहरूले C-4 भिसामा देश प्रवेश गर्न सक्दछन्, जसले यहाँ ९० दिनसम्म रोजगारीको अनुमति दिन्छ, र त्यस्ता कामदारहरू प्राय: खेतीपाती मौसममा अतिरिक्त मद्दत चाहिएको फार्महरूमा काम गर्दछन्।

तर फार्म मालिकहरूले भने केहि प्रकारका कामका लागि ९० दिन मात्र पर्याप्त नहुने गुनासो गरेका छन्।

सरकारी अध्ययनले देखाए अनुसार देशमा प्रतिवर्ष ग्रामीण क्षेत्रमा २०,००० मौसमी कामदारहरूको अभावमा छ: गत वर्ष २,८२४ विदेशीहरूले मौसमी कामदारको रूपमा काम गरेका थिए जबकि माग २२,००० थियो।

मन्त्रालयले आफ्नो प्रेस विज्ञप्तिमा भने, ‘९० दिनको अवधिमा विदेशी कामदारहरूले स्थानीय सरकारबाट शिक्षा प्राप्त गर्ने, नयाँ वातावरणमा बसोबास गर्ने र अवधिको अन्त्यमा प्रस्थानको लागि तयारी गर्नु पर्ने हुदा उनीहरूले खेतहरूमा काम गर्ने समय ९० दिन भन्दा कम हुने भएकाले अवधि बढाउन माग गरिएको छ’ , मन्त्रालयले आफ्नो प्रेस विज्ञप्तिमा भनेको छ ।