जापानले बिदेशी कामदारको लागि परीक्षा शुरु गर्यो,केयर गिभर पछि अन्य क्षेत्रको परीक्षा हुने

टोकियो- जापान सरकारले बिदेशी कामदार भित्र्याउने कार्यविधि बनाए संगै परीक्षा समेत संचालन गर्न शुरु गरेको छ |

१४ प्रकारका कम्पनीहरुमा बिदेशी कामदार भित्र्याउने योजना बनाएको जापान सरकारले पहिलो चरणमा रेस्टुरेन्ट क्षेत्रमा परीक्षा संचालन गरेको छ |

नेपाल लगायत बिभिन्न देशबाट कामदार ल्याउन लागेको जापानले सम्बन्धित देश मै परीक्षा संचालन गर्ने योजना बनाए पनि पहिलो चरणमा जापानमै परीक्षा संचालन गरिएको हो |

उसले अन्य भिसामा आएकालाई परीक्षा उतीर्ण गरे कामदार भिसामा परिवर्तन गराउने छ |

सरकारले तय गरेको योजना अनुसार रेस्टुरेन्ट,होटेल,केयर गिभर र भवन सफाई संग सम्बन्धित चार प्रकारका कम्पनीहरुमा परीक्षा संचालन गर्न लागेको हो |

जापानको कानुन मन्त्रालयका अनुसार केयर गिभरका लागि नेपाल,कम्बोडिया,मंगोलिया,फिलिपिन्स र म्यान्मार गरि चार देशमा परीक्षा संचालन गर्ने तयारी गरिरहेको छ |

केयर गिभरका लागि नेपालमा कार्तिक १० र ११ गते लिखित परीक्षा हुँदै छ भने कार्तिक १९ र २० गते सीप परीक्षा हुने  कार्यक्रम रहेको छ |

नेपालका लागि शुरुमा केयर गिभरका लागि परीक्षा संचालन गरिएपछि अन्य क्षेत्रका लागि परीक्षा संचालन गर्ने जापान सरकारको नीति छ |