कोरियाको सीप सिकेर आत्मनिभर हुने नेपाली युवाको योजना

सोल-नेपाल कृषि प्रधान देश हो | यहाँ ८१ प्रतिशत भन्दा बढी कृषिमै आश्रित छन् तर पनि आत्मा निर्भर बन्न सकेको छैन | बर्षेनी कृषिजन्य बस्तुहरु भारत,चीन र तेश्रो मुलुकबाट अर्बौंको आयात गरिंदै आएको छ | अधिकांश नेपाली कृषिमा आश्रित भए पनि आतामनिर्भर हुन नसक्नुको मुख्य कारण परम्परागत कृषि प्रणाली नै हो |

परम्परागत कृषि प्रणालीले उत्पादकत्व वृद्धि हुन सकेको छैन | उत्पदलाव बढाउँ आधुनिक कृषि प्रणाली अपनाउनु पर्दछ | यस्तै अवस्थामा रोजगारी गर्न दक्षिण कोरिया गएका युवाहरुले त्यहाँको आधुनिक कृषि प्रणालीको अध्ययन अवलोकन गरिरहेका छन् |

कोरियाको आधुनिक प्रणाली नेपाल भित्र्याउनुपर्छ र त्यहाँ गएका नेपाली युवालाई कृषि तालिम दिनुपर्छ भन्ने अभियान सबै भन्दा पहिला किम्हे माइग्रेन्ट हाउसका संस्थापक यज्ञराज सुवेदीले संचालन गरेका थिए | सुवेदीले बिगत ३ बर्षदेखी यो अभियान संचालन गर्दै आइरहेका छन् | बिभिन्न नगरपालिका र गैर नाफामुलक संस्थासंगको सहकार्यमा चरणबद्ध दिइन्दै आएको छ |

यो अभियान अन्तर्गत अहिले नेपाली युवाले ५ हप्ते अर्गानिक कृषी तालिम लिइरहेका छन् | खाया इन्टरनेशनल र सउल महानगरपालिकाको संयुक्त प्रयोजनमा सो तालिम दिइएको हो | हरेक आइतबार हुने तालिमलाई अवसरको रुपमा नेपाली युवाले लिएको सहभागी यम श्रेष्ठले बताए |

नेपाल कृषिको प्रचुर सम्भावना भएकोले यहाँ सिकेको सिप लिएर फर्के पछि व्यावसायिक रूपमा कृषि क्षत्रमा काम गर्ने लक्ष रहेको तालिममा सहभागी युवाहरुको लक्ष छ |

सहभागीलाई उब्जनि राम्रो गर्न उर्वर माटाे बनाउने, मल बिषाधि किटनाशक औसधि बनाउने र प्रयोग गर्ने, यहाँको कृषि गर्ने तरिका, खेती विधि, बीउ रोप्ने, हुर्काउने, गोडमेल स्याहार सुसार गर्ने, फल टिप्ने भण्डार तथा ब्यबस्थापन गर्ने बारेमा तालिम दिइएको छ |

संस्थाका कार्यकारी निर्देशक छे सुन थेले आधुनिक औजार सहित कृषी बिज्ञको टोलि नेपाल गएर पनि तालिम र सहयोग गर्न सकिने बताएका छन |

नेपाली युवालाई कृषिविद सिन सुन ख्योले खेती ज्ञान, तालिम, अध्ययन, परिक्षण,माटाे,बीउ बिजन,प्रबिधिको प्रयोग, बैज्ञानिक प्रणाली, आधुनिक कृषि प्रणाली र औजार प्रयोग,ग्रीन हाउसको प्रयोग,किटनाशक बिषाधिको प्रयोग,थोपा सिचाइ प्रणाली तथा सिचाइ ब्यबस्था, भण्डारण तापक्रम,बिक्री वितरण तथा बजार ब्यबस्थापन, प्याकिङ र यातायात गरि १६ बिषयमा तालिम दिइएको छ |