बिदेशिएको श्रीमानलाई कति पर्खनु ?

काठमाडौं-श्रीमान् बिदेशिएको पांच बर्ष भएको थियो |दुई बर्ष सम्म त उनलाई खासै चासो थिएन |आउछु भनेका थिए | बिदा मिलाउदै होलान भन्ने भद्रपुर नगरपालिका वडानम्बर २ बस्दै आएकी पार्वती चाम्लिङ्गलाई लाग्यो | ‘छोरा तीन बर्ष पुग्यो’उनि भन्छिन ‘छोरा ६ महिनाको हुँदा सासुससुरासंग राखेर हिडेका थिए | ‘

श्रीमानले हिड्ने बेलामा भनेको शब्द उनलाई अहिले पनि याद छ | ‘तिम्रै शुख र खुशीको लागि हिडेको,राम्रो संग आमाबुबा र बाबुको स्याहार गर्नु |’

बिदेश गएका श्रीमान पांच बर्षसम्म पनि नआएपछि उनलाई कति कुर्नु भयो |श्रीमानले पठाएको करिब २० लाख रुपैयाँले जग्गा किनिन | बैंकमा छुट्टै खाता खोलिन | ‘सासु ससुरा र बाबुको स्याहारमा व्यस्त थिएँ’उनि भन्छिन ‘पछि आफ़्न्प जिन्दगि देख्दा कहाली लाग्न थाल्यो | यो उमेर , यो समय मा किन एक जनाको प्रतीक्षामा खेर फालिरहेको छु भन्ने लग्यो | कति कुरी बस्नु त ?अनि फेसबुकमा उनले एकजना साथी भेटिन | जो पेशाले ड्राइभर थिए | ‘हाम्रो मन मिल्यो,सुख-दुख पेश-ब्याबसाय गरेर बस्ने भनेर नयाँ जीवन शुरु गरें’ उनि भन्छिन | उनि घर छोडेर हिंडेको तीन महिनापछि श्रीमान घर फर्के | पांच बर्ष कुर्दा नआएको मान्छे मैले छोडेको तीन महिनामा आयो |’ उनि भन्छिन ‘मैले उसको केहि बिगारेको छैन अलिकति पैसा चाही छोरा र आफ्नो लागि राखेको छु | अहिले उसले मुद्धा हाल्ने बारे बुझ्दै हिडेको छ भन्ने सुन्दै छु |

बिर्तामोड-४ कि २८ बर्षीय सोनी सापकोटा चिया बगानमा पात टिप्ने काम गर्थिन | बिहे भएको एक बर्ष पछि श्रीमान युएइ लागे | महिनाको ३५ हजार तलब थियो | महिनाको २५ हजार घर पठाऊथे पैसा सोनिकै नाममा आउथ्यो | बिदेशिएका ६ महिनापछि श्रीमानले उनलाई काम छोड्न भने | उनि घरमै बस्न थालिन | फेसबुकमा उनको चिनजान झापाकै एक जनासंग भयो | उनीहरु नजिकिए | एकअर्का बिना बच्न नसक्ने भए | श्रीमानले पठाएको पैसा उही ब्यक्थिको निम्ति खर्चिन थालिन सोनीले | घुम्न जाँदा होटेलको खर्च आफै उठाउथिन |पछि प्रेमीले डेढ लाख रुपैयाँ सापटी भनेर लग्यो | विदेशमा पनि श्रीमानलाई कसैले कुरा लगायो | ‘ श्रीमानले मलाई खुरुक्क निस्केर जा नत्र मा आए पछि निकाल्छु भनेपछि म निस्केर हिंडे ‘सोनीले ‘भनिन अन्तिममा घरको न घाटको भैयो | अहिले फेरी चिया बगानमा काम शुरु गरेको छु |’

बैदेशिक रोजगारमा जाने बित्तिकै श्रीमतीहरु एक्लो महसुस गर्छन |’माया भरोसा र विश्वाशको मुख्य पात्रबाट बिछोदिएर बस्नु परेको पिडामा कोहि दोश्रो दोश्रो व्यक्तिले केहि प्रेम,दया, देखाइदिन्दा पनि दंग पर्ने र विश्वाश गरिहाल्ने प्रवृतिले थुप्रै घर भताभुङ्ग भएका छन् |’ भद्रपुर नगरपालिकाका उपमेयर चन्द्रमाया श्रेष्ठ भन्छिन |

उपमेयर श्रेष्ठका अनुसार स्थानीय न्यायिक समितिमा आउने मुद्धा मध्ये ६० प्रतिशत बैदेशिक रोजगारीले सिर्जना गरेको समस्या सम्बन्धी हुने गरेको छ |-सम्पूर्णबाट