कोरियामा नेपालीलाई घरले पनि मार्छ- पूर्व श्रम सहचारी अनिलकुमार गुरुङ

रोजगारीका लागि विदेशिने युवाहरुका लागि दक्षिण कोरिया सपनाको देश हो । कोरिया भाषा परीक्षा ईपीएसका लागि आवेदन दिन लाग्ने नेपाली युवाहरुको लाइनले पनि त्यसलाई पुष्टि गर्छ ।

नेपालीहरुले कोरिया पुगेर राम्रै कमाइ गरिरहेका पनि छन् । तर, बेलाबेलामा कोरियाबाट दुःखद खबर आउँछ, नेपालीले आत्महत्या गरे ।

यस्तो किन त ? कोरियास्थित नेपाली दूतावासमा झण्डै साढे तीन वर्ष श्रम सहचारीका रुपमा काम गरेका अनिलकुमार गुरुङ भन्छन्, ‘कहिलेकाहीँ घरले पनि मार्छ ।’ त्यति मात्र होइन, थुप्रै नेपालीहरु डिप्रेशनको सिकार भएको उनको दाबी छ ।

उनका अनुसार, दक्षिण कोरिया ‘कामको देश’ हो, जहाँ नेपालीहरुले सोचे जस्तो सजिलो नहुन पनि सक्छ ।

गुरुङले कोरियामा नेपाली कामदारसँग जोडिएका नौ प्रसंग यसरी सुनाए:

नेपालीहरुमा डिप्रेशन बढ्दै छ

राम्रो कमाइ हुने सोचले कोरिया पुगे पनि त्यहाँको परिवेशमा भिज्न नसक्नेहरुलाई बढी समस्या पर्छ । हाम्रो परिवेशभन्दा बिलकुल फरक ठाउँमा पुग्दा अनेक ‘फिलिङ्स’ आउन सक्छन् । त्यहाँको जीवनशैलीसँग भिज्न नसकेपछि कतिपय डिप्रेशनमा जान्छन् ।

कोरियामा धेरै नेपाली डिप्रेशनमा जानुको कारण यही हो । यही डिप्रेशनले कतिपयलाई मृत्युको मुखमा समेत पुर्‍याएको छ । विरानो देशमा घर-परिवारको याद आउँछ । यसलाई व्यवस्थापन गर्ने शक्ति र तरिका आवश्यक हुन्छ । यो भएन भने मान्छेले अप्रत्यासित निर्णय गर्छ, जो दुःखद पनि हुन सक्छ ।

यहाँबाट गएको एउटा भाइले गएको सातौं दिनमै ‘दाइ