प्रेम प्रसाद वस्ती रिटर्नी सेन्टर नेपाल सिरानचाेक गाउँपालिकाका अध्यक्ष

पुष १४ गते शनिबार रिटर्नी सेन्टर नेपाल गोरखा जिल्लाको सिरानचाेकमा प्रथम गाउँपालिका सम्मेलन सम्पन्न भएको छ।

रिटर्नी सेन्टर नेपालका केन्द्रिय सचिवालय सदस्य ,उत्पादन,प्रविधि तथा अन्तराष्ट्रिय विभागका प्रमुख तथा नेकपा ( माओबादी केन्द्र ) सिरानचाेक गाउँपालिका कमिटिका अध्यक्ष रमेश तुफान पण्डितको प्रमुख आतिथ्यमा सिरानचाेक गाउँपालिका वडा नं ६ का निर्वाचित अध्यक्ष प्रेम प्रसाद वस्तीको अध्यक्षतामा २१ सदस्यीय कमिटि गठन गरेका छन l सम्मेलनमा केन्द्रिय सचिवालय सदस्य पण्डितले देशमा आर्थिक मन्दीले बेरोजगारी बढेकोले अहिले विदेश जानको लागि आन्दोलन तथा गोली खाएर मर्ने स्थिति आएकोले यसको बिकल्पमा आधुनिक कृषि, प्रबिधि तथा उत्पादन मैत्री बातावरणले रोजगारी सृजना गरे समस्याको समाधान हुने बताए l उनले रिटर्नी सेन्टर नेपालले विदेशबाट फर्केका रिटर्नी साथीहरुको श्रम,सिप,पूजिं,क्षमता ,प्रबिधि तथा अनुभवलाई उपयोग गरि सामुहिक रुपमा मिलेर स्थानीय संसाधनहरु प्रयोग गरि रोजगारीको सृजना गर्ने बताए l

उक्त सम्मेलनमा बिशेष अतिथि जेष्ठ कम्युनिस्ट मञ्चका गण्डकी प्रदेश अध्यक्ष नरनाथ मरहट्ठा तथा बिशेष अतिथि प्रदेश कमिटी सचिवालय सदस्य दिल बहादुर सेन्चुरी रन्जितको पनि उपस्थिति रहेको थियो l सिरानचाेक गाउँपालिका नेकपा ( माओबादी केन्द्र ) का केन्द्रिय अध्यक्ष तथा प्रधानमन्त्री प्रचण्डको निर्वाचित क्षेत्र र पार्टीका बरिष्ठ उपाध्यक्ष, नेपाल सरकारका उपप्रधानमन्त्रि तथा गृहमन्त्री नारायण काजि श्रेष्ठको गृहपालिका पनि हो l