पाँचथरमा रिटर्नी सेन्टर नेपालको जिल्ला भेला सम्पन्न

अशोज २१ गते आइतवारका दिन पाँचथरमा रिटर्नी सेन्टर नेपाल पाँचथर जिल्लाको प्रथम भेला श्याम राईको संयोजकत्वमा सम्पन्न भएको छ l

नेकपा ( माओबादी केन्द्र ) का केन्द्रिय सदस्य तथा प्रदेशका पुर्ब मन्त्री, प्रदेश इन्चार्ज र जिल्लामा अभियानका लागी आएका इन्चार्ज झलकसिँह दर्लामीको प्रमुख आतिथ्यमा २३ सदस्यीय कमिटि चयन गरेका छन् l केन्द्रिय सदस्य दर्लामीले रिटर्नी सेन्टर नेपाल नंया संगठन भए पनि ठुलो संगठन हुने पार्टीबाट ठुलो आशा राखेको बताए l उहालें रिटर्नी सेन्टर नेपालले सामुहिक ब्यबसायिक संगठनमा जोड दिनु पर्ने ,उत्पादनमुलक क्षेत्रमा लगानी गरि रोजगारी सिर्जना गर्नुपर्ने बताए l

रिटर्नी सेन्टर नेपाल केन्द्रिय सदस्य ,प्रदेश नं १ का कोषाध्यक्ष तथा पाँचथर जिल्लाका इन्चार्ज रमिला राईले विदेशबाट फर्केका रिर्टनीहरुको श्रम ,सिप , पुंजी तथा अनुभवलाई स्वदेशमै सामुहिक लगानी गरि उत्पादन मार्फत रोजगारी सिर्जना गर्ने बताइन l केन्द्रिय सदस्य राईले विदेश बाट फर्केका पाचथर जिल्लाका साथीहरु संकलन गरि संगठित गर्ने तथा छिटै पालिका भेला पनि गर्ने बताइन l

भेलामा अतिथि पार्टीका केन्द्रिय सदस्य पुर्व संसद, जिल्ला इन्चार्ज सीता जबेगु ,रिटर्नी सेन्टर नेपाल केन्द्रिय सदस्य , अन्तराष्ट्रिय विभागका संयोजक तथा इलाम जिल्लाका इन्चार्ज राम संजेल , पाँचथर सहइन्चार्ज राधा कृष्ण चम्लागाई लगायत प्रदेश , जिल्ला तथा पालिकाका कमरेडहरुको पनि बाक्लो उपस्थिति रहेका थिए l