दोलखामा रिटर्नी सेन्टर नेपालको प्रथम भेला सम्पन्न

भाद्र ३० गते शनिबार चरिकोटमा रिटर्नी सेन्टर नेपाल दोलखा जिल्लाको प्रथम भेलामा दिनेश गुरुङको संयोजकत्वमा सम्पन्न भएको छ l

रिटर्नी सेन्टर नेपालका केन्द्रिय सहसंयोजक तथा बागमती प्रदेशका इन्चार्ज हेमन्त पौडेलको प्रमुख आतिथ्यमा १३ सदस्यीय जिल्ला कमिटि चयन गरेका थिए l भेलामा सहसंयोजकमा राजकुमार मल्ल र सचिवमा सुन्दर खड्का चयन भएका छन् । केन्द्रिय सहसंयोजक पौडेलले रिटर्नी सेन्टर नेपाललाई ७७ जिल्लामा संगठन बिस्तार गरि अरु २३ वटा भातृसंगठन भन्दा फरक किसिमले काम गर्ने बताए l उहाँले रिटर्नी सेन्टर नेपालले विदेशबाट फर्केका तथा हरेक जिल्लाका बेरोजगारी युवाहरुको डाटा संकलन गरि रिटर्नीहरुको सामुहिक लगानीलाई उत्पादनमा जोड दिएर रोजगारीको सृजना गरि बेरोजगारी हटाउन प्रयास गर्ने बताए l त्यस्तै बिशेष अतिथि माओवादी केन्द्र दोलखाका संयोजक कुलबहादुर बुढाथोकीले रिटर्नी सेन्टर नेपालको संगठन बिस्तारमा पार्टीले पूर्ण रुपमा सहयोग गर्ने बताए l

भेलामा स्वागत मन्तब्य ब्यक्त गरेका रिटर्नी सेन्टर नेपाल बागमती प्रदेशका संयोजक दिपेन्द्र कार्कीले रिटर्नी सेन्टर बागमती प्रदेशको हरेक जिल्ला तथा स्थानीय निकायहरुमा संगठन बिस्तारमा तिब्र रुपमा लाग्ने बताए l त्यस्तै भेलाका अध्यक्ष तथा रिटर्नी सेन्टर नेपाल दोलखा जिल्ला इन्चार्ज सीताराम बस्नेतले पार्टीको ३ महिने अभियान संगसंगै जिल्लामा पार्टी तथा रिटर्नी सेन्टर संगठन बिस्तारमा लाग्ने बताए l जिल्ला इन्चार्ज बस्नेतले नेपाल फर्केका रिटर्नी साथीहरु मिलेर कृषिमा लगानी गर्ने बताए l भेलामा जिल्ला समन्वय समिति दोलखाका प्रमुख बर्जुराम घतानी र रिटर्नी सेन्टर केन्द्रिय सचिवालय सदस्य पुष्कर कुमार अधिकारी लगायतको उपस्थिती रहेको थियो ।